తల్లికి వందనం డబ్బు జమ కాలేదా? ప్రభుత్వం నుంచి గుడ్ న్యూస్

ఆంధ్రప్రదేశ్ ప్రభుత్వం అమలు చేస్తున్న తల్లికి వందనం పథకం కింద అర్హత ఉన్నా డబ్బు రాలేదు అనే పలువురు లబ్ధిదారులకు మరో అవకాశం కల్పించింది. ప్రభుత్వం స్పష్టంగా తెలిపింది – జూన్ 20లోపు ఫిర్యాదు చేస్తే, జూలై 5న ఖాతాల్లోకి డబ్బు జమ అవుతుంది.

ఫిర్యాదు చేయవలసిన వారెవరు?

తల్లికి వందనం పథకానికి అర్హత ఉన్నవారు.
కానీ, జమ కావాల్సిన థాలికి వందనం డబ్బు ఇంకా వారి బ్యాంక్ ఖాతాల్లోకి రాకపోయినవారు.
గత జాబితాలో పేర్ల లేనివారు లేదా తప్పుగా జమ అయిన వారు.

ఫిర్యాదు ఎలా చేయాలి?

జూన్ 20, 2025 లోపు మీకు సమీపంలోని గ్రామ/వార్డు సచివాలయం వెళ్లి ఫిర్యాదు చేయాల్సి ఉంటుంది. మీరు తీసుకెళ్లవలసిన పత్రాలు:

ఆధార్ కార్డు జిరాక్స్
బ్యాంక్ పాస్‌బుక్ కాపీ
తల్లికి వందనం పథకానికి మీరు చేసుకున్న దరఖాస్తు వివరాలు (ఉంటే)
ఫోన్ నంబర్

ప్రభుత్వం ప్రకటించిన టైమ్‌లైన్

ప్రభుత్వం ప్రకటించిన తాజా టైమ్‌లైన్ ప్రకారం, జూన్ 20 వరకు తల్లికి వందనం డబ్బు జమ కాకపోయిన లబ్ధిదారుల నుండి ఫిర్యాదులు స్వీకరిస్తారు. అనంతరం, అందిన ఫిర్యాదులను జూన్ 28లోపు వెరిఫై చేసి, అర్హుల పేర్లతో అదనపు జాబితా తయారు చేస్తారు. ఈ జాబితాను జూన్ 30న గ్రామ లేదా వార్డు సచివాలయాల్లో ప్రదర్శిస్తారు. చివరగా, అర్హుల ఖాతాల్లో తల్లికి వందనం డబ్బును జూలై 5న జమ చేయనున్నారు. లబ్ధిదారులు ఈ తేదీలను గమనించి తగిన చర్యలు తీసుకోవాలని సూచించారు.