తిమ్మిర్లు వస్తున్నాయా? ఏ వ్యాధికి సంకేతమో తెలుసుకోండి!
మీ చేతులు, కాళ్ళు సూదులతో గుచ్చినట్లుగా, జివ్వుమంటూ తిమ్మిర్లుగా అనిపిస్తున్నాయా? అలాంటిదే అయితే… జాగ్రత్త పడాల్సిన సమయం వచ్చేసింది. ఇవి తాత్కాలికంగా వస్తే పెద్దగా ప్రమాదం ఉండకపోవచ్చు, కానీ తరచూ వస్తే మాత్రం ఇవి నరాల సమస్యలు లేదా ఇతర తీవ్రమైన ఆరోగ్య సమస్యల సూచన కావచ్చు.
తిమ్మిర్లు అంటే ఏమిటి?
తిమ్మిర్లు అంటే శరీరంలో ఎక్కడైనా గుచ్చినట్లు, తక్కువ స్పర్శతో ఎక్కువ రెస్పాన్స్‌ రావడం. ఇది సాధారణంగా ఎక్కువసేపు కదలకుండా కూర్చున్నప్పుడు లేదా పైనుండి ఒత్తిడి వచ్చినప్పుడు ఏర్పడుతుంది. కానీ కొన్ని సందర్భాల్లో ఇవి న్యూరోపతీ అనే నర సంబంధ వ్యాధికి సంకేతం కూడా కావచ్చు.
తిమ్మిర్లకు కారణాలు ఏమిటి?
- డయాబెటిస్ – మధుమేహం ఉన్నవారిలో కాళ్ళలో ఎక్కువగా తిమ్మిర్లు వస్తుంటాయి.
- నరాల ఒత్తిడి (Pressure Palsy) – ఎక్కువసేపు శరీర భాగం ఒత్తిడిలో ఉండటం వల్ల నరాలు సరిగా పని చేయవు.
- విటమిన్ లోపాలు – B12, ఫోలిక్ యాసిడ్, థయామిన్ లోపం వల్ల నరాలు బలహీనంగా మారుతాయి.
- వంశపారంపర్య న్యూరోపతీలు – కుటుంబంలో ఇప్పటికే ఉన్న సమస్య వంశపారంపర్యంగా వచ్చే అవకాశమూ ఉంది.
- మద్యపానం, కీళ్ల వ్యాధులు, హైపోథైరాయిడిజం, ఎయిడ్స్, క్యాన్సర్ ట్రీట్మెంట్లు – ఇవన్నీ నరాలకు ఇబ్బందిని కలిగించి తిమ్మిర్లకు దారితీస్తాయి.
తిమ్మిర్లు వస్తే ఏం చేయాలి?
- వైద్య సలహా తప్పనిసరి. కొన్ని సందర్భాల్లో న్యూరోపతీ, పక్షవాతం, మెదడు సంబంధ సమస్యలు ఉండే అవకాశం ఉంది.
- థైరాయిడ్, షుగర్, విటమిన్ B12 లెవల్స్ చెకప్ చేయించుకోవాలి.
- నర్వ్ కండక్షన్ టెస్ట్‌ ద్వారా నరాలు సరిగ్గా పనిచేస్తున్నాయా అన్నది తెలుసుకోవచ్చు.
- మౌత్ అల్సర్స్, కీళ్ల నొప్పులు ఉన్నట్లయితే కనెక్టివ్ టిష్యూ డిజార్డర్స్ సూచనగా ఉండవచ్చు.
తిమ్మిర్లు రాకుండా ఎలా జాగ్రత్త పడాలి?
- ఒక్క స్థితిలో ఎక్కువసేపు కూర్చోకండి. ప్రతి గంటకు 5 నిమిషాలైనా నడవండి.
- వాహనాలు నడిపేవారు – రెండు గంటలకోసారి బ్రేక్ తీసుకుని కాసేపు నడవండి.
- ల్యాప్‌టాప్, కంప్యూటర్ పనిచేసే వారు – చేతులకు, వేళ్లకు రెస్ట్ ఇవ్వండి.
- వదులుగా ఉండే షూస్‌, చెప్పులు వేసుకోండి. బిగుతుగా ఉంటే నరాలు ఒత్తిడికి గురవుతాయి.
- వ్యాయామం, యోగా రోజూ చేయండి. నరాల ఆరోగ్యం మెరుగవుతుంది.
- తిమ్మిర్లు తోడు అనిపిస్తే పట్టించుకోండి – నిర్లక్ష్యం వల్ల పక్షవాతం వచ్చే ప్రమాదం కూడా ఉంది.
గమనిక : ఈ సమాచారం వైద్య నిపుణుల సూచనలు ఆధారంగా మీకు అందిస్తున్నాం. మీరు ఏవైనా పై లక్షణాలు గమనిస్తే, వెంటనే వైద్యుడిని సంప్రదించండి.
Also Read : Castor oil ఉపయోగాలు తెలుగులో ఆరోగ్యానికి, అందానికి అమూల్య వరం!
