ఆంధ్రప్రదేశ్ ఉప ముఖ్యమంత్రి పవన్ కల్యాణ్ కుమారుడు మార్క్ శంకర్ సింగపూర్లో జరిగిన అగ్నిప్రమాదంలో గాయపడ్డాడు. మార్క్ శంకర్ చదువుకుంటున్న పాఠశాలలో అకస్మాత్తుగా మంటలు చెలరేగడంతో ఈ ప్రమాదం చోటు చేసుకుంది. ఈ ఘటనలో అతని చేతులు, కాళ్లకు గాయాలవడంతో పాటు, ఊపిరితిత్తుల్లోకి పొగ వెళ్లడంతో ఆరోగ్య సమస్యలు ఎదురయ్యాయి.
ప్రమాద వార్త తెలిసిన వెంటనే పవన్ కళ్యాణ్ సింగపూర్కు रवాణయ్యారు. అప్పటివరకు ఆయన విశాఖపట్నంలో పర్యటనలో ఉన్నారు. ప్రస్తుతం మార్క్ శంకర్కు సింగపూర్లోనే వైద్యం అందిస్తున్నారు. ఈ ఘటనపై సినీ, రాజకీయ ప్రముఖులు స్పందిస్తూ తన శుభాకాంక్షలు, ప్రార్థనలతో పవన్ కుటుంబానికి మద్దతుగా నిలుస్తున్నారు.
చిరంజీవి స్పందన
మెగాస్టార్ చిరంజీవి మాట్లాడుతూ – “8 ఏళ్ల మార్క్ శంకర్ ప్రస్తుతం బాగానే ఉన్నాడు. కాళ్లకు స్వల్ప గాయాలయ్యాయి. కానీ ప్రమాదం తీవ్రత చూస్తే ఇది తక్కువే. త్వరగా కోలుకోవాలని ఆశిస్తున్నాను” అని తెలిపారు.
చంద్రబాబు ట్వీట్
ఏపీ సీఎం చంద్రబాబు ట్విటర్ ద్వారా స్పందిస్తూ – “మార్క్ శంకర్ గాయపడిన వార్త ఆందోళన కలిగించింది. అతను త్వరగా కోలుకోవాలని ప్రార్థిస్తున్నాను. కుటుంబానికి ధైర్యం కలగాలి” అని పేర్కొన్నారు.
నారా లోకేష్ వ్యాఖ్యలు
నారా లోకేష్ ట్వీట్ చేస్తూ – “మార్క్ శంకర్ గాయపడిన విషయం తెలుసుకుని షాక్కి గురయ్యాను. ఈ క్లిష్ట సమయంలో పవన్ కళ్యాణ్ కుటుంబానికి ధైర్యం ఉండాలని ప్రార్థిస్తున్నా. శంకర్ త్వరగా కోలుకోవాలని కోరుకుంటున్నా” అని తెలిపారు.
జగన్ స్పందన
ఏపీ మాజీ సీఎం వైఎస్ జగన్ – “సింగపూర్లోని పాఠశాలలో జరిగిన అగ్ని ప్రమాదం గురించి తెలుసుకొని షాక్ అయ్యాను. పవన్ గారి కుమారుడు మార్క్ గాయపడటం బాధాకరం. అతను త్వరగా కోలుకోవాలని, కుటుంబానికి ధైర్యం కలగాలని కోరుతున్నాను” అని ట్వీట్ చేశారు.
బండి సంజయ్
బీజేపీ నాయకుడు బండి సంజయ్ మాట్లాడుతూ – “మార్క్ శంకర్ గాయపడిన వార్త బాధ కలిగించింది. త్వరగా కోలుకోవాలని అమ్మవారిని ప్రార్థిస్తున్నాను” అని సోషల్ మీడియాలో పేర్కొన్నారు.
కేటీఆర్ స్పందన
తెలంగాణ నాయకుడు కేటీఆర్ కూడా ఈ ఘటనపై స్పందించారు. “మార్క్ శంకర్ గాయపడినట్లు తెలుసుకుని దిగ్భ్రాంతి చెందాను. ఆ చిన్నారి త్వరగా కోలుకోవాలని దేవుడిని ప్రార్థిస్తున్నాను” అని ట్వీట్ చేశారు.
పవన్ కుమారుడికి జరిగిన ఈ ప్రమాదం రాష్ట్రవ్యాప్తంగా చర్చనీయాంశమవుతుండగా, ప్రజలతో పాటు ప్రముఖులంతా అతను త్వరగా కోలుకోవాలని ఆకాంక్షిస్తున్నారు.
Also Read : WHO Warns Another Pandemic: కోవిడ్ను మించిన ముప్పు.. మరో మహమ్మారి తప్పదని హెచ్చరిస్తున్న WHO!
