చావు కళ్లముందే కనిపించింది కాక్‌పిట్‌లో కెప్టెన్ ఏం చేశాడో తెలిస్తే షాక్ అవుతారు

విమానం గాల్లో ఉంది.. ఒక్కసారిగా కాక్‌పిట్‌లో దాడి. తీవ్రంగా గాయపడిన కెప్టెన్ కిందపడిపోయారు. విమానం వేగంగా ఎత్తు కోల్పోతోంది. చుట్టూ ఏం జరుగుతుందో అర్థం కాని పరిస్థితి. ఆ సమయంలో కెప్టెన్ స్మిత్ మచ్చార్‌కు ఒకే ఆలోచన వచ్చింది.. “నేను లేవకపోతే ప్రయాణికుల ప్రాణాలు పోతాయి.”

Fly Dubai విమానంలో జరిగిన ఈ భయానక ఘటనను Captain Smit Machchhar తాజాగా ప్రధాని నరేంద్ర మోదీతో వీడియో కాల్‌లో గుర్తుచేసుకున్నారు.

దాడిలో తీవ్రంగా గాయపడినప్పటికీ స్మిత్ కాక్‌పిట్ తలుపు తెరవడానికి ప్రయత్నించారు. ఆయన చర్యతో ఇతర సిబ్బంది, ప్రయాణికులు కాక్‌పిట్‌లోకి చేరి పరిస్థితిని అదుపులోకి తీసుకునే అవకాశం ఏర్పడింది. అనంతరం విమానాన్ని సురక్షితంగా అత్యవసర ల్యాండింగ్ చేశారు.

అయితే ఈ మొత్తం ఘటనలో మరో విషయం అందరినీ ఆశ్చర్యానికి గురిచేసింది. “ఆ సమయంలో నేను నిరంతరం హనుమాన్ చాలీసా జపిస్తూనే ఉన్నాను” అని స్మిత్ మోదీకి చెప్పారు. కష్టాల్లో ఉన్నప్పుడు హనుమాన్ చాలీసా తనకు ధైర్యాన్ని ఇస్తుందని తెలిపారు.

తన ప్రాణాల కోసం పోరాడుతూనే విమానంలోని ఇతరుల ప్రాణాలను కాపాడేందుకు ప్రయత్నించిన స్మిత్ ధైర్యాన్ని ప్రధాని మోదీ అభినందించారు. ఈ ఘటనలో స్మిత్ తీసుకున్న నిర్ణయం, ఆ కొన్ని క్షణాల్లో చూపిన ధైర్యం ఇప్పుడు దేశవ్యాప్తంగా చర్చనీయాంశంగా మారింది.

Also Read : 𝑺𝑶𝑵𝑨𝑲𝑺𝑯𝑰 𝑺𝑰𝑵𝑯𝑨 𝑼𝒏𝒊𝒒𝒖𝒆 𝑷𝒉𝒐𝒏𝒆 : సోనాక్షి సిన్హా చేతిలో ఉన్న ఈ యూనిక్ ఫోన్.. అందరి దృష్టిని ఆకర్షిస్తోంది!