వాతావరణం టుడే

వాతావరణం టుడే: 40 డిగ్రీలు దాటిన ఎండలు – ప్రజలు అప్రమత్తంగా ఉండండి

ఈరోజు వాతావరణం టుడే ప్రకారం, ఉష్ణోగ్రతలు ఊహించని స్థాయికి చేరుకున్నాయి. భానుడు ప్రతాపం చూపిస్తూ తెల్లవారుజాము నుంచే భూమిని కాచి వేస్తున్నాడు. తెల్లారి 9 గంటలకల్లా ఎండల తీవ్రత పెరిగి ప్రజలు తీవ్రమైన ఉక్కపోతను ఎదుర్కొంటున్నారు. సాయంత్రం సమయానికి కూడా భూమి నుంచి వేడి అలముకుంటూనే ఉంది.

వాతావరణ శాఖ తాజా నివేదిక ప్రకారం, తెలుగు రాష్ట్రాల్లో ఉష్ణోగ్రతలు 40 డిగ్రీలకుపైగా నమోదవుతున్నాయి. మే నెల రాకముందే ఉష్ణోగ్రతలు సాధారణం కంటే 3.3 డిగ్రీలు అధికంగా ఉన్నట్లు గుర్తించారు. రాష్ట్ర విపత్తుల నిర్వహణ సంస్థ కూడా ఈ గడిచిన 24 గంటల్లో పలు జిల్లాల్లో తీవ్ర వడగాలుల ప్రభావం ఉంటుందని హెచ్చరికలు జారీ చేసింది.

ఏపీలో వడగాలుల ప్రభావం

ఆంధ్రప్రదేశ్‌లోని కోస్తా ప్రాంతాల్లో ఆదివారం నుంచి వడగాలుల ప్రభావం ఎక్కువగా ఉండే సూచనలు ఉన్నాయి. శ్రీకాకుళం, విజయనగరం, తూర్పు గోదావరి, మన్యం జిల్లాల్లో ఉష్ణోగ్రతలు గరిష్ఠ స్థాయికి చేరుకుంటున్నాయి. రాష్ట్ర విపత్తుల నిర్వహణ సంస్థ 45 మండలాల్లో తీవ్రమైన వడగాలుల ప్రభావం ఉంటుందని, మరో 185 మండలాల్లో ఎండ తీవ్రత అధికంగా ఉంటుందని హెచ్చరించింది.

గత 24 గంటల్లో నంద్యాల జిల్లా గోస్పాడు, కర్నూలు జిల్లా ఉలిందకొండలో 41.8°C, ప్రకాశం జిల్లా దరిమడుగు, విజయనగరం జిల్లా తుమ్మికపల్లిలో 41.7°C, కడప జిల్లా మద్దూరు, ఖాజీపేట ప్రాంతాల్లో 41°C వరకు ఉష్ణోగ్రతలు నమోదయ్యాయి. అయితే రియల్ ఫీల్ ఉష్ణోగ్రతలు మరింత ఎక్కువగా అనిపిస్తున్నాయి.

తెలంగాణలో ఎండల తీవ్రత

తెలంగాణలో కూడా వాతావరణం టుడే (vatavaranam today) ప్రకారం ఎండల ప్రభావం రోజు రోజుకూ పెరుగుతోంది. పలు జిల్లాల్లో ఉష్ణోగ్రతలు 41°C దాటాయి. వాతావరణ శాఖ నివేదిక ప్రకారం, ఆదివారం, సోమవారం రోజుల్లో 41-44°C మధ్య ఉష్ణోగ్రతలు నమోదయ్యే అవకాశం ఉంది. దీనితోపాటు పలు ప్రాంతాలకు ఎల్లో అలర్ట్ జారీ చేసినట్లు పేర్కొన్నారు.

ప్రజలు తీసుకోవాల్సిన జాగ్రత్తలు

• మధ్యాహ్నం 12 గంటల నుంచి 3 గంటల వరకు బయటికి వెళ్లడాన్ని తగ్గించండి.
• శరీరంలో నీటి శాతం తగ్గకుండా తరచూ నీరు, మజ్జిగ, కొబ్బరినీరు తాగండి.
• ఎండలో ఎక్కువ సమయం గడపకుండా, తలపై గుడ్డ, క్యాప్‌ ధరించండి.
• పిల్లలు, వృద్ధులు, గర్భిణీలు అత్యంత జాగ్రత్తలు తీసుకోవాలి.

ఈ గడిచిన కొన్ని రోజుల్లో ఉష్ణోగ్రతలు భారీగా పెరుగుతున్న నేపథ్యంలో, ప్రజలు తగిన జాగ్రత్తలు తీసుకోవాలని వాతావరణ శాఖ సూచించింది. వాతావరణం టుడే వివరాలు తెలుసుకుంటూ అప్రమత్తంగా ఉండండి!

Also Read : Janasena Party Formation Day