రైతుల ఖాతాలోకి రైతు భరోసా డబ్బులు జమ కానున్న తేది ఇదే..!

రైతుల ఖాతాల్లో రైతు భరోసా డబ్బులు ఎప్పుడు పడతాయి? కరీఫ్ సీజన్ ప్రారంభానికి ముందే తెలంగాణ ప్రభుత్వం రైతు భరోసా నిధులు జమ చేయనున్నట్లు మంత్రి తుమ్మల నాగేశ్వరరావు ప్రకటన చేశారు.

రైతు భరోసా రెండో విడత list

తెలంగాణ రాష్ట్రంలోని లక్షలాది మంది రైతులకు ఇది నిజంగా శుభవార్త. ముఖ్యమంత్రి శ్రీ రేవంత్ రెడ్డి నేతృత్వంలోని ప్రభుత్వం, కరీఫ్ సీజన్ ప్రారంభానికి ముందే రైతు భరోసా నిధులను జమ చేయబోతున్నట్లు అధికారికంగా ప్రకటించింది. ఈ నేపథ్యంలో “రైతుల ఖాతాలో రైతు భరోసా డబ్బులు ఎప్పుడు పడతాయి?” అనే ప్రశ్నకు స్పష్టత వచ్చింది.

కాబినెట్ స్థాయిలో కీలక నిర్ణయం

నైరుతి రుతుపవనాలు ముందుగానే ప్రవేశించడంతో రైతులు విత్తనాల నాట్లకు సిద్ధమవుతున్నారు. రైతుల ఖర్చుల భారాన్ని తగ్గించేందుకు కాబినెట్ సమావేశంలో రైతు భరోసా డబ్బులను ముందుగా ఇవ్వాలనే నిర్ణయం తీసుకున్నారు. ఈ నిర్ణయంతో రాష్ట్రవ్యాప్తంగా రైతులలో ఆనందం వెల్లివిరుస్తోంది.

వ్యవసాయ శాఖ మంత్రి తుమ్మల ప్రకటన

హుస్నాబాద్‌లో జరిగిన రైతు మహోత్సవంలో వ్యవసాయ శాఖ మంత్రి తుమ్మల నాగేశ్వరరావు మాట్లాడుతూ, ఈ ఏడాది పంటలు వేయకముందే రైతుల ఖాతాల్లో డబ్బులు జమ చేస్తామని, అధికారికంగా ప్రకటించారు. గతంలోనే రాష్ట్ర ప్రభుత్వం 3.5 ఎకరాల భూమి కలిగిన రైతులకు రూ. 4,000 కోట్లు జమ చేసిందని తెలిపారు. ప్రస్తుతం ఈ పరిమితిని 10 ఎకరాల వరకు పెంచే యోచనలో ప్రభుత్వం ఉందని సమాచారం.

పథక లక్ష్యం – పెట్టుబడి సాయం

ఈ పథకం ప్రధాన లక్ష్యం రైతులు పంట సాగు చేసేందుకు కావలసిన పెట్టుబడి సాయం అందించడమే. ప్రభుత్వం ప్రస్తుత ఆర్థిక పరిస్థితుల ప్రకారం, ఒక ఎకరానికి రూ. 6,000 చొప్పున రెండు విడతలుగా (ఖరీఫ్, రబీ) నిధులను విడుదల చేస్తోంది.

ముందస్తు నగదు బదిలీతో రైతులకు ఊరటనిచ్చిన ప్రభుత్వం

పంట కాలం ప్రారంభానికి ముందే డబ్బులు ఖాతాలో పడితే, రైతులు విత్తనాలు, ఎరువులు, కూలీలు మొదలైన వ్యయాలను ముందుగానే నిర్వహించుకోగలుగుతారు. ఇది వారి వ్యవసాయ ప్రణాళికను మరింత సమర్థవంతంగా రూపొందించేందుకు దోహదం చేస్తుంది.

అకాలు వర్షాల పంట నష్టానికి పరిహారం

ఇటీవల 28 జిల్లాల్లో కురిసిన వడగల వర్షాలతో పంట నష్టపోయిన రైతులకు రూ. 51.52 కోట్లు పరిహారాన్ని ప్రభుత్వం అందించనుంది. ఇది 51,528 ఎకరాలకు చెందిన 41,361 మంది రైతులకు ప్రత్యక్షంగా ఖాతాల్లోకి జమ చేయనున్నారు.

రైతు భరోసా డబ్బులు ఎప్పుడు పడతాయి?

తాజా ప్రకటన ప్రకారం, రైతు భరోసా డబ్బులు జూన్ చివరి వారం లేదా జూలై మొదటి వారంలో ఖాతాల్లోకి జమ అయ్యే అవకాశాలు ఉన్నాయి. రైతులు పంటలు వేసే సమయానికి మునుపే డబ్బులు అందేలా ప్రభుత్వం ఏర్పాట్లు చేస్తోంది.

రైతులకు ప్రభుత్వం నుండి ఇతర ప్రయోజనాలు

• ధాన్యం కొనుగోలు: తడిసిన ధాన్యాన్ని కూడా ప్రభుత్వం కొనుగోలు చేస్తుందని హామీ.
• పంటల ఎరువుల కొరత లేకుండా చర్యలు.
• ఉద్యాన పంటల ప్రోత్సాహం: ఇతర రాష్ట్రాల ఎగుమతులకు అనుకూలంగా తీసుకెళ్లే లక్ష్యంతో ప్రణాళికలు.
• నూతన ఆయిల్ ఫ్యాక్టరీలు & గోదాములు: తద్వారా వ్యవసాయ ఉత్పత్తుల నిల్వ సామర్థ్యం పెరుగుతుంది.

తెలంగాణ రైతాంగాన్ని ఆదుకోవడంలో రైతు భరోసా పథకం ముఖ్యపాత్ర పోషిస్తోంది. ముఖ్యమంత్రి రేవంత్ రెడ్డి నిర్ణయం, వ్యవసాయ శాఖ మంత్రి తుమ్మల ప్రకటనలు రైతులలో నూతన ఆశలు నింపుతున్నాయి. కరీఫ్ సీజన్ ప్రారంభానికి ముందే డబ్బులు ఖాతాలో పడటం రైతుల భవిష్యత్తుకు శుభ సంకేతంగా మారుతోంది.

FAQs – తరచుగా అడిగే ప్రశ్నలు

1. రైతు భరోసా పథకం అంటే ఏమిటి?

Ans : రైతులకు పెట్టుబడి సాయం అందించేందుకు తెలంగాణ ప్రభుత్వం అమలు చేస్తున్న పథకం ఇది. ప్రతి ఎకరానికి రూ. 6,000 చొప్పున రెండు విడతలుగా నిధులు జమ చేస్తారు.

2. రైతుల ఖాతాలో రైతు భరోసా డబ్బులు ఎప్పుడు పడతాయి?

Ans : జూన్ చివరిలో లేదా జూలై మొదటివారంలో రైతుల ఖాతాల్లో నిధులు జమ అయ్యే అవకాశాలున్నాయి.

3. ఈ పథకం ప్రయోజనం పొందేందుకు అర్హత ఏంటి?

Ans : భూమి రిజిస్ట్రేషన్ ఉన్న రైతులు, 3.5 నుండి 10 ఎకరాల మధ్య భూమి కలిగిన వారు అర్హులు. భూమి వివరాలు ప్రభుత్వ నమోదు ఆధారంగా ఖరారు చేయబడతాయి.

4. పాత విడత డబ్బులు అందని రైతులు ఎమి చేయాలి?

Ans : మీ గ్రామ వ్యవసాయ అధికారిని సంప్రదించి లేదా MeeSeva కేంద్రాల్లో వివరాలు తెలుసుకోవాలి. పాత డేటా సమస్యలుంటే రిజిస్టర్డ్ డాక్యుమెంట్లతో అప్డేట్ చేయాలి.

5. రైతు భరోసా డబ్బులు వస్తున్నాయా లేదా ఎలా తెలుసుకోవాలి?

Ans : మీ బ్యాంక్ ఖాతా స్టేట్మెంట్ లేదా Pattadar Passbook ద్వారా తెలుసుకోవచ్చు. రబీ/ఖరీఫ్ సమయంలో సంబంధిత డిపార్ట్‌మెంట్ నోటిఫికేషన్ ద్వారా సమాచారం లభిస్తుంది.