తెలంగాణ రైతుల అభ్యున్నతిని దృష్టిలో ఉంచుకొని ముఖ్యమంత్రి రేవంత్ రెడ్డి చేసిన విజ్ఞప్తికి కేంద్ర ప్రభుత్వం ఓ సానుకూల సంకేతం ఇచ్చింది. యూరియా ఎరువుల కొరత లేకుండా చూసేందుకు కేంద్ర మంత్రి జేపీ నడ్డా వెంటనే స్పందించారు. ఢిల్లీలో జరిగిన భేటీలో సీఎం రేవంత్, యూరియా సరఫరా పెంచాలని కోరగా, నడ్డా వెంటనే సంబంధిత అధికారులకు స్పష్టమైన ఆదేశాలు జారీ చేశారు.
రసాయన ఎరువుల వాడకం వల్ల భూ సారం తగ్గిపోతుందన్న ఆందోళనతో, ప్రత్యామ్నాయ ఎరువుల వినియోగంపై రాష్ట్రం దృష్టిసారించాలని జేపీ నడ్డా సూచించారు. PM-PRANAM పథకం ద్వారా సేంద్రీయ వ్యవసాయాన్ని ప్రోత్సహించేలా తెలంగాణ అధికారులకు దిశానిర్దేశం చేశారు.
యూరియా డిమాండ్కు కేంద్రం గ్రీన్ సిగ్నల్
2024-25 ఖరీఫ్ సీజన్లో తెలంగాణ రైతులకు అవసరమైన యూరియా సరఫరాలో ఎటువంటి అంతరాయం లేకుండా చూసేందుకు కేంద్రం చర్యలు చేపట్టింది. గత ఏడాదితో పోలిస్తే ఈ సంవత్సరం 21 శాతం యూరియా అమ్మకాలు పెరిగాయని కేంద్ర మంత్రి తెలిపారు. వ్యవసాయేతర అవసరాలకు యూరియాను ఉపయోగించకుండా నియంత్రణ తీసుకోవాలని సూచించారు.
జిల్లాల వారీగా ఎరువుల సరఫరా సజావుగా జరిగేలా అధికారులను ఆదేశించిన నడ్డా, రైతులకు ఎరువుల కొరత లేకుండా చర్యలు తీసుకోవాలని సూచించారు.
2 thoughts on “రైతులకు ఊరట కలిగించే న్యూస్: సీఎం రేవంత్ విజ్ఞప్తిపై కేంద్రం తక్షణ స్పందన”