ట్రావెల్అసెంబ్లీస్పోర్ట్స్జాబ్ ఎడ్యుకేషన్బిజినెస్లైఫ్ స్టైల్రాశి ఫలాలు

పుట్టిన క్షణమే మృత్యువుతో పోరాటం.. ఆకాశమార్గంలో ఆ 7 వారాల చిన్నారికి పునర్జన్మ!

On: November 20, 2026 7:23 PM
Follow Us:
raja-the-elephant-airlifted-assam-to-vantara-rescue

అస్సాంలోని లఖింపూర్ జిల్లాలో కళ్లు తెరిచిన ఆ పసిప్రాణానికి, భూమ్మీద అడుగుపెట్టకముందే విధి ఒక భయంకరమైన పరీక్ష పెట్టింది. పుట్టిన కొద్దిసేపటికే కుడి వెనుక కాలు విరిగి, కనీసం నిలబడలేని స్థితిలో ఉన్న 7 వారాల ఏనుగు పిల్ల ‘రాజా’ కథ ఇప్పుడు దేశవ్యాప్తంగా కన్నీళ్లు పెట్టిస్తోంది. తల్లి ప్రేమకు దూరమై, తీవ్రమైన బాక్టీరియల్ ఇన్ఫెక్షన్, కాలేయ సమస్యలతో మృత్యువు అంచున కొట్టుమిట్టాడుతున్న ఆ చిన్నారికి కాలం కరిగిపోతోంది.

2,500 కిలోమీటర్ల దూరంలో ఉన్న గుజరాత్‌లోని జామ్‌నగర్ ‘వంతారా’ (Vantara) జంతు సంరక్షణ కేంద్రానికి ఆ చిన్నారిని తరలించకపోతే ప్రాణాలకే ప్రమాదమని వైద్యులు తేల్చిచెప్పారు. కానీ అంత దూరం రోడ్డు మార్గంలో తీసుకెళ్తే ఆ పసిశరీరం తట్టుకోగలదా? క్షణక్షణం ఉత్కంఠ.. ప్రతి నిమిషం ఒక సవాల్!

చివరికి అనంత్ అంబానీ నేతృత్వంలోని ‘వంతారా’ బృందం ఒక సాహసోపేతమైన నిర్ణయం తీసుకుంది. దేశ చరిత్రలోనే మూడోసారి, ఒక ఏనుగు పిల్లను ప్రత్యేక ఎయిర్ అంబులెన్స్‌లో ఆకాశమార్గంలో గుజరాత్‌కు తరలించారు. విమానంలో ప్రత్యేక వైద్య బృందం, నిరంతర ఆక్సిజన్, పాల సీసాలతో నాలుగు గంటల పాటు సాగిన ఆ ‘మిషన్ లైఫ్’ ఆపరేషన్ సక్సెస్ అయింది.

మృత్యువును జయించి వంతారా ఆసుపత్రిలో అడుగుపెట్టిన ‘రాజా’కు ఇప్పుడు కొత్త జీవితం మొదలైంది. విరిగిన కాలుతో పుట్టినా, మొక్కవోని ధైర్యంతో పోరాడిన ఈ చిన్నారి, త్వరలోనే పూర్తి ఆరోగ్యంతో అడుగులు వేయాలని కోట్లాది మంది ప్రార్థిస్తున్నారు. #RajaTheElephant

viratnagendar

Virat Nagender is a Digital Marketing Expert and the mind behind JanataPoll.com, delivering clear, engaging content on politics, governance, and public opinion to keep citizens informed.

Join WhatsApp

Join Now

Join Telegram

Join Now

Leave a Comment